ВКонтакте-ն հայտնել է սոցցանցի այսօրվա խափանման պատճառը

ВКонтакте սոցցանցի մամլո քարտուղար Գեորգի Լոբուշկինը Lenta.ru-ին հայտնել է, որ սոցցանցի աշխատանքի խափանումը ցանցում պայմանավորված է եղել տվյալների կենտրոններում տեխնիկական անսարքություններով:

«Վնասվել է տվյալների կենտրոնները միմյանց կապող մալուխը, որի պատճառը դեռ չգիտենք»,- մեկնաբանել է սոցկայքի ներկայացուցիչը:

Օգոստոսի 4-ին ВКонтакте-ի օգտատերերը դժվարություններ են ունեցել սոցցանցի և Snapster ֆոտոհավելվածի հասանելիության հետ կապված:

Հաղորդվում է, որ սոցցանցում աշխատանքի խափանումներ այս տարվա ընթացքում էլի են եղել: Սա առնվազն հինգերորդ դեպքն էր: