Եղանակն՝ այսօր
Գերմանիայում հաքերը կարողացել է միանալ հիվանդանոցներից մեկի բուժսարքավորմանը
Գերմանական Հայդելբերգ քաղաքից IT մասնագետը կարողացել է հեռակա կարգով միանալ հիվանդանոցներից մեկի բուժսարքավորմանը և կառավարել այն, հաղորդում է ТАСС-ը։
Դա արվել է փորձի շրջանակում, որը պետք է ցույց տար, թե ինչպես սարքավորման թույլ պաշտպանությունը կարող է սպառնալ հիվանդի կյանքին՝ չարագործների գործողությունների դեպքում:
Իր նոութբուքի օգնությամբ հաքերը կարողացել է կանգնեցնել արհեստական շնչառության գործընթացը, ինչպես նաև՝ արգելափակել սարքի բոլոր գործառույթները:
«Հարձակման» հետևանքով ոչ մի հիվանդ չի տուժել: Մասնագետին վարձել է հիվանդանոցը՝ սարքավորման թույլ պաշտպանությունը և այն «կոտրելու» հնարավորությունը բացահայտելու նպատակով:
Փորձը նախաձեռնողները չեն բացահայտում բժշկական սարքավորման արտադրողի անունը, որի դեմ իրականացվել է «հաքերային հարձակումը»: Այդպես նրանք ընկերությանը հնարավորություն են տալիս կատարելագործել պաշտպանության համակարգը և լուծել այդ խնդիրը:
Studio One