Չինաստանում 4000 տարվա հնության մոր ու մանկան գրկախառնված կմախքներ են հայտնաբերել (լուսանկարներ)

17:52 • 11.08.15

Չինացի հնագետները մոր ու մանկան գրկախառնված կմախքներ են հայտնաբերել, որոնք 4000 տարվա հնություն ունեն:

Ինչպես ներկայացնում է Daily Mail-ը` գիտնականների կարծիքով` մայրը փորձել է պաշտպանել երեխային Չինաստանի կենտրոնական Ցինհայ նահանգում մ.թ.ա. 2000 թվականին տեղի ունեցած հզոր երկրաշարժի ժամանակ` փակված լինելով ինչ-որ կառույցի ներսում:

Հնագույն մարդկային մնացորդները հայտնաբերվել են բրոնզեդարյան հնագիտական պեղումների վայրից, որը կոչվում է «Արևելքի Պոմպեյ», քանի որ երկրաշարժի հետևանքով ամբողջական բնակավայր էր ավերվել:

Փորձագետները կարծում են, որ այդ տարածքը երկրաշարժից հետո տուժել է նաև ջրհեղեղից, որն առաջացել էր Չինաստանի` մեծությամբ երկրորդ Հուանհե գետի («Դեղին գետ») վարարումից: