Apple-ն ինքնագնաց մեքենա է ստեղծում. The Guardian

Apple ընկերությունը գաղտնիության պայմաններում  մեքենա է մշակում, որը կարող է ընթանալ առանց վարորդի:


Այս մասին պարզել է The Guardian-ը` Titan  նախագծի իրականացման մասին ապացույց գտնելով ընկերության ինժեներների նամակագրության մեջ:
 

Ինչպես հաղորդում է բրիտանական պարբերականը` տեղեկությունների համաձայն` ամերիկյան տեխնոլոգիական հսկան իսկապես ինքնագնաց մեքենայի մոդել է ստեղծում  Սիլիկոնյան հովտում։

Ենթադրվում է, որ առաջին մոդելն արդեն գրեթե պատրաստ է, և շուտով կսկսվեն մեքենայի փորձարկումները, որոնք, հավանաբար, կանցկացվեն GoMentum station ազատ ռազմաբազայում, որտեղ նախկինում կատարվում էին Mercedes-Benz-ի և Honda-ի փորձարկումները: Ռազմաբազան տեղակայված է Սան Ֆրանցիսկոյից 30 կմ հեռավորությամբ: