Apple-ը երաժշտական փառատոն կանցկացնի Լոնդոնում, որը կհեռարձակվի ամբողջ աշխարհում

Լուսանկարը՝ aceshowbiz.com-ի

Ամերիկյան Apple ընկերությունը սեպտեմբերի 19-28-ը երաժշտական փառատոն կանցկացնի Լոնդոնում՝ իր Apple Music երաժշտական ծառայությանն աջակցելու համար, նշվում է ընկերության մամուլի հաղորդագրությունում։

Տասը երեկոների ընթացքում տեղի կունենան Ֆարել Ուիլյամսի, One Direction-ի, Florence +The Machine-ի, Disclosure-ի և այլ աստղերի ելույթները։

Փառատոնը կհեռարձակվի ամբողջ աշխարհում, ելույթները հնարավոր կլինի անվճար դիտել Apple Music-ում ուղիղ եթերով կամ ձայնագրված տարբերակով։

Բոլոր իրադարձությունների մասին կհաղորդվի Beats 1 ռադիոյով, իսկ լուրերը բեմից և անձամբ արտիստների ձայնագրություններից հասանելի կլինեն Apple Music Connect-ում, փոխանցում է Газета-ն։