Եղանակն՝ այսօր
ԻՊ-ի գրոհայինները գլխատել են Պալմիրայի պատմական համալիրի տնօրենին
«Իսլամական պետություն» ահաբեկչական խմբավորման գրոհայինները սիրիական հնագույն Պալմիրա քաղաքում սպանել են հայտնի հետազոտող և հնագետ, այնտեղ գտնվող ճարտարապետական և պատմական համալիրի տնօրեն Հալեդ Ասաադին: Այդ մասին հայտնել է Սիրիայի հնությունների և թանգարանների գերատեսչության ղեկավար Մաամուն Աբդել Քերիմը, գրում է ТАСС-ը:
«Դժվար է պատկերացնել, որ նման գիտնականին, ով այդքան մեծ ներդրում է ունեցել այդ վայրի (Պալմիրայի) և պատմության զարգացման մեջ, կգլխատեն»,- ասել է Աբդել Քերիմը։
Հալեդ Ասաադը սպանվել է 82 տարեկան հասակում: Նա իր կյանքի հիսուն տարիները նվիրել է Պալմիրա համալիրի հետազոտություններին։ Ասաադը հայտնի է այդ բաց երկնքի տակ գտնվող թանգարանին նվիրված իր գիտական աշխատություններով: Վերջին մի քանի տասնամյակների ընթացքում նա բազմիցս համագործակցել է ԱՄՆ-ից, Ֆրանսիայից, Գերմանիայից և Շվեյցարիայից հնագիտական առաքելությունների հետ։
Աբդել Քերիմի խոսքով՝ գիտնականին գերի էին վերցրել մոտ մեկ ամիս առաջ։
Պալմիրան հայտնվել է ահաբեկիչների հսկողության տակ մայիսի վերջին։
Studio One