Էլեկտրոնային ծխախոտները մոտ 95 տոկոսով ավելի քիչ վնասակար են, քան սովորական ծխախոտները. հետազոտություն

Մեծ Բրիտանիայում հրապարակված նոր հետազոտության համաձայն՝ էլեկտրոնային ծխախոտները սովորական ծխախոտների չափ վնասակար չեն, գրում է iflscience.com-ը։ 

Public Health England-ի իրականացրած հետազոտությունը պարզել է, որ էլեկտրոնային ծխախոտները մոտ 95 տոկոսով ավելի քիչ վնասակար են, քան սովորական ծխախոտները, և որ Ազգային առողջապահական ծառայությունը պետք է մարդկանց ծխելը դադարեցնելու նպատակով դրանք խորհուրդ տա։

Հետազոտության համաձայն՝ էլեկտրոնային ծխախոտները կարող են ներդրում ունենալ Մեծ Բրիտանիայում ծխող մարդկանց թվի նվազման հարցում: Որոշ տվյալների համաձայն՝ երկրում 2,6 միլիոն մարդ էլեկտրոնային ծխախոտ է օգտագործում։

Մասնագետները պարզել են, որ նրանք գրեթե բոլորը նախկին ծխողներ են եղել, ինչն ապացուցում է, որ շատ մարդիկ օգտագործում են դրանք ծխելը թողնելու կամ նվազեցնելու նպատակով։