Մեխիկոյում ացտեկների ժամանակաշրջանին պատկանող գանգերից պատ է հայտնաբերվել (լուսանկարներ)

10:06 • 21.08.15

Մեքսիկացի գիտնականները հայտնաբերել են Ացտեկների կայսրության ժամանակաշրջանի մարդկային գանգերից կառուցված պատ՝ Մեխիկոյի պատմական կենտրոնում իրականացված պեղումների ժամանակ։

Ինչպես փոխանցում է Вести-ն՝ Գվատեմալա փողոցում 2 մ խորության վրա հայտնաբերվել է մոտ 30 մ երկարությամբ ուղղանկյուն հարթակ, որի կենտրոնում գտնվում են մի քանի տասնյակ գանգեր՝ դասավորված շրջանի տեսքով։

Այդ ծիսական շինությունը նաուատլ լեզվով, որն օգտագործել են ացտեկները, կոչվում է «ցոմպանտլի»։

«Այս բեմը հրաբխային ծագմամբ քարից է, ծածկված է ծեփամածիկով և սալիկներով, գտնվում է հյուսիսից դեպի հարավ։ Նրանում հանդիպում են մարդկային ծնոտի և գանգերի մասնիկներ, իսկ կենտրոնական մասում կան մարդկային գանգեր, որոնք դասավորված են շրջանի տեսքով»,- պատմել է քաղաքային հնագիտության ծրագրի ղեկավար Ռաուլ Բարերան։

Մինչ այժմ հաշվարկվել է 35 գանգ, սակայն դրանք, ենթադրվում է, պետք է ավելի շատ լինեն։
Պեղումների նախագծի ղեկավարներից մեկի՝ հնագետ Էդուարդո Մաթոս Մոկտեսումայի խոսքով՝ այս շինությունը հատուկ խորհրդանշական իմաստ է ունեցել, և այդ գանգերի մեծ մասը, հնարավոր է, պատկանել է ացտեկների թշնամիներին, որոնց նրանք գերի են վերցրել, զոհաբերել և գլխատել, ինչն էլ կարող է նրանց հզորության ապացույցը լինել։

Աշխատանքների ավարտից հետո պատը կներկայացվի հանրությանը։

The 'skull circle' forms part of the main trophy rack of sacrificed human skulls at Mexico City's Templo Mayor Aztec ruin site.

This photo released by Mexico's National Institute of Anthropology and History (INAH) shows archaeologists working at the Templo Mayor Aztec ruin site in Mexico City.

Eduardo Matos, an archaeologist at the National Institute of Anthropology and History, suggested the skull rack in Mexico City 'was a show of might' by the Aztecs.