Apple ընկերությունն էժանացել է 158 մլրդ դոլարով. USA Today

Լուսանկարը՝ Reuters-ի

Ամերիկյան ֆոնդային բորսաներում տեղի ունեցող տատանումները վնաս են հասցրել ամերիկյան ամենաթանկ ընկերությանը՝ Apple-ին, գրում է USA Today թերթը։

Այս տարի այն էժանացել է 158 մլրդ դոլարով։ Միայն օգոստոսի 21-ին, երբ ֆոնդային ինդեքսները նվազել են, Apple-ի բաժնետոմսերի արժեքն ընկել է 6.72 դոլարով, այսինքն՝ 6%-ով։

Սեսիայի ավարտին մեկ բաժնետոմսի արժեքը եղել է 106.02 դոլար։ Մինչդեռ, այս տարի ոչ այնքան վաղուց, դրանք վաճառվել են մեկ արժեթղթի դիմաց 134.5 դոլարով։

Նման անկումը կարող է հիասթափեցնել ներդրողներին, գրում է լրատվամիջոցը։

Ներկայում ընկերության կապիտալիզացիան գնահատվում է 618 մլրդ դոլար, և այս ցուցանիշը կարող է մոտ ապագայում է՛լ ավելի նվազել։

Apple ընկերությունը նախագծում և մշակում է սպառողական էլեկտրոնիկա և համակարգչային ծրագրային ապահովումներ։

Apple-ի լավագույն հայտնի արտադրանքներ են Mac համակարգիչները, iPod նվագարկիչը, iPhone սմարթֆոնները և iPad պլանշետները։

Ծրագրային արտադրանքներ են՝ iCloud, iTunes Store և App Store։

Apple-ի սպառողական ծրագրային ապահովումները ներառում են OS X և iOS օպերացիոն համակարգերը։