Եղանակն՝ այսօր
Ինչպես է վերականգնվում մարդու օրգանիզմը ծխելը թողնելուց հետո (լուսանկարներ)
11:49 • 22.08.15
Մարդու մարմինը սկսում է վերականգնման գործընթացը ծխախոտի վերջին գլանակը հանգցնելուց երկու րոպե անց։ Fishki.net կայքը ներկայացնում է մի շարք ֆիզիոլոգիական փոփոխություններ, որոնք տեղի են ունենում, երբ մարդը թողնում է ծխելը։
20 րոպե անց վերականգնվում է արյան շրջանառությունը
Առաջին փոփոխությունները սկսվում են ծխելը թողնելուց արդեն 20 րոպե անց. վերականգնվում է արյան շրջանառությունը և ավելանում ձեռքերի և ոտքերի մատների զգայունությունը։
8 ժամ անց հեռացվում է ածխածնի օքսիդը
Արդեն 8 ժամ անց արյան մեջ կրճատվում է ածխածնի երկօքսիդի քանակը, ինչը նշանակում է, որ թթվածնի մակարդակն արյան մեջ կրկին անցնում է նորմայի։
2 օր անց հեռացվում է նիկոտինը
Երկու օր առանց ծխելու անցկացնելուց հետո մարդու մարմնից հեռացվում են նիկոտինի բոլոր մնացուկները։
2 օրից վերականգնվում են համային զգացողությունները
Երկու օր չծխելուց հետո համի ընկալիչները սկսում են բնականոն աշխատել։ Դրանք հնարավորություն են տալիս զգալու այնպիսի համեր, որոնք ծխելու հետևանքով չէին զգացվում։
2 օր անց վերականգնվում է հոտառական զգացողությունը
Երկու օր անց մարդը սկսում է ավելի լավ զգալ տարատեսակ հոտերը։
3 օր անց վերականգնվում է շնչառությունը
Երեք օր անց թոքերում վերականգնվում են թարթիչավոր էպիթելերը, որոնք կատարում են թոքերն «ավլող և մաքրող» գործառույթ: Ծխելու ժամանակ դրանք ոչնչանում են, սակայն, բարեբախտաբար, ունեն վերականգնվելու հատկություն։
Մեկ շաբաթ անց իջնում է արյան ճնշումը
Արյան ճնշումը սկսում է իջնել ծխելը թողնելուց մեկ շաբաթ անց, որի շնորհիվ նվազում են կաթվածի, սրտանոթային այլ հիվանդությունների և երիկամների անբավարարության ռիսկերը։
Երկու շաբաթ անց թուլանում է հազը
Արդեն երկու շաբաթ անց ծխողներին հատուկ հազը սկսում է նվազել։ Այն անմիջապես չի վերանալու, քանի որ թոքերին ժամանակ է պետք վերականգնվելու և մաքրվելու համար։
Երեք ամսից վերականգնվում է դեմքի մաշկի որակն ու գույնը
Մեկ տարի անց փոխվում է ատամների գույնը
15 տարի անց քաղցկեղի ռիսկը հավասարվում է չծխող անձի ռիսկի ցուցանիշին
Placeholder
Studio One