АвтоВАЗ-ը հայտնել է Lada Vesta սեդանի ներկայացման ամսաթիվը

Ռուսական «АвтоВАЗ» ընկերության Lada Vesta սեդանի արտադրական տարբերակը կներկայացվի Սանկտ Պետերբուրգում սեպտեմբերի 4-ին, գրում է autonews.ru-ն։

Մոդելի արտադրությունը կսկսվի սեպտեմբերի 25-ին, իսկ վաճառքի կհանվի այս տարվա նոյեմբերին։ Ավտոմեքենան հասանելի կլինի երեք տարբերակով՝ Classic, Comfort և Luxe։

Ըստ նախնական տվյալների՝ սեդանի գինը կսկսվի 475-495 հազար ռուբլուց։ Աղբյուրը նշում է, որ նորույթի հիմնական մրցակիցները կլինեն Renault Logan-ը, Hyundai Solaris-ը, Kia Rio-ն և Volkswagen Polo-ն։ 

Մեքենան ի սկզբանե հասանելի կլինի 1.6 լիտրանոց շարժիչով։