Ադամն առաջին երջանիկ մարդն էր, քանի որ զոքանչ չուներ. հրեական ասացվածքներ

Ցանկացած ժողովրդի կարելի է ճանաչել իր սրամիտ ասացվածքներով, քանի որ ազգային բանահյուսության հենց այդ ժանրն է ցույց  տալիս ժողովրդի աշխարհայացքը, տեսլականը այս կամ այն իրողության շուրջ:

Այս մասին գրելով` Adme.ru-ն առաջարկում  է ծանոթանալ հրեական  ասացվածքներին։

1. Ադամն առաջին երջանիկ մարդն էր, քանի որ զոքանչ չուներ:

2. Եթե խնդիրը հնարավոր է լուծել գումարով, ապա դա խնդիր չէ, այլ ընդամենը` ծախս:

3. Աստված մարդուն տվել է երկու ականջ և մեկ բերան, որպեսզի նա ավելի շատ լսի և ավելի քիչ խոսի:

4. Թող Աստված պաշտպանի վատ կանանցից, լավերից  պաշտպանվեք ինքներդ:

5. Եկավ գինին, դուրս թռավ գաղտնիքը:

6. Աստված չի կարող միաժամանակ լինել ամենուր, այդ իսկ պատճառով էլ նա ստեղծել է մայրերին:

7. Բոլորը բողոքում են փողի պակասից, իսկ խելքի պակասից` ոչ ոք:

8. Այծից վախեցիր դիմացից, ձիուց` հետևից, հիմարից` բոլոր կողմերից:

9. Հյուրն ու ձուկը երեք օրից սկսում են հոտել:

10.  Երկու մարդ չի հավատա մահվանդ. նա, ով քեզ սիրում է և նա, ով ատում է:

11.  Գիտելիքը մեծ տեղ չի զբաղեցնում:

12.   Աստված, օգնիր ինձ ոտքի կանգնել, ընկնել ինքս էլ կարող եմ:

13.  Երբ անելու բան չի մնում, սկսում են մեծ գործեր կատարել:

14.   Ավելի լավ է ծիծաղից մահանալ, քան վախից:

15.  Փորձառությունն այն բառն է, որով մարդիկ անվանում են իրենց սխալները:

16.   Ծերանալով մարդ ավելի վատ է տեսնում, բայց ավելի շատ:

17.  Մարդ պետք է ապրի, գոնե հանուն հետաքրքրասիրության:

18.   Խուլը լսում էր, թե ինչպես է համրը պատմում, որ կույրը տեսել էր կաղին արագ-արագ վազելիս:

19.  Ծնողները երեխաներին խոսել են սովորեցնում, երեխաները ծնողներին` լռել:

20.   Վատ կինը անձրևից էլ վատ է. անձրևը տուն է քշում, իսկ վատ կինը տնից է քշում: