ԱՄՆ-ում Volkswagen-ին պարտադրել են 500 000 մեքենա ետ կանչել

ԱՄՆ-ի շրջակա միջավայրի պահպանության վարչությունը (EPA) Volkswagen գերմանական  ավտոկոնցեռնին կարգադրել է 500 000 մեքենա ետ կանչել շրջակա միջավայրի համար վտանգ ներկայացնելու պատճառով:

Ինչպես հայտնում է Корреспондент-ը` հաղորդագրության համաձայն` համակարգող  վարչությունը ավտոարտադրողից պահանջել է արտադրությունից հանել այն մեքենաները, որոնք համալրված են շրջակա միջավայրը աղտոտումից պաշտպանելու միջոցներով:

EPA-ի կարծիքով` համապատասխան ծրագրային ապահովումն աշխատում է միայն փորձարկումների ժամանակ և ոչ թե ամենօրյա կյանքում: Արդյունքում մեքենաները թույլատրելի քանակությունից ավելի շատ թունավոր նյութեր են արտանետում, որոնց հետևանքով էլ տարատեսակ հիվանդություններ են առաջանում: