Mercedes AMG-ն 12 մխոցային շարժիչով սուպերքար է մշակում

00:46 • 20.09.15

Mercedes-ի հանրահայտ AMG ատելիեն նոր սուպերքարի մոդել է մշակում, որը համալրված կլինի 12 մխոցային շարժիչով:

 

Ինչպես հայտնում է Motor.ru-ն` ակնկալվում է, որ բենզինային շարժիչը կներառվի հիբրիդային ուժային համակարգում, որում ընդգրկված  կլինի նաև էլեկտրական շարժիչով և մարտկոցների համալիրով: Նորույթը կհամալրի  AMG GT կուպեի շարքը:


Աղբյուրի տեղեկություններով` տվյալ մոդելը կդառնա «գերմանական ապրանքանիշի պատմության մեջ ամենաարագընթաց ճանապարհային տարբերակը»:


Daimler կոնցեռնի հետազոտությունների բաժնի ղեկավար Թոմաս Վեբերը ամռանը հայտնել էր, որ Mercedes-AMG-ն իր առաջին հիբրիդային մեքենաները կթողարկի 2020-ին: