Priv. BlackBerry-ն Android-ով նոր սմարթֆոն կթողարկի

BlackBerry Ltd. կանադական ընկերությունը մտադիր է Android օպերացիոն համակարգով աշխատող նոր սմարթֆոն թողարկել` ձգտելով պահպանել բջջային սարքավորումների  վաճառքը:

Ինչպես տեղեկացնում է Market Watch-ը` նոր սմարթֆոնը, որը շուկայում կհայտնվի արդեն այս տարի, ստացել է Priv անվանումը, որը խորհրդանշում է հաճախորդների գաղտնիությունն (privacy)  ապահովելու ընկերության երկարամյա կենտրոնացումը:

Սմարթֆոնը կներկայանա սենսորային վահանակով, ինչպես նաև վեր բարձրացող ստեղնաշարով: Ընկերությունը դեռևս չի նշել նոր սմարթֆոնի ակնկալվող գնային դիապազոնը: