Երիկամի խանգարման առաջին ախտանշանները

Երիկամը մեծ դեր է կատարում  օրգանիզմի ընդհանուր առողջության համար, հատկապես` մաքրելով և օրգանիզմից դուրս բերելով թունավոր նյութերը: Երիկամային խնդիրները կարող են պատճառ դառնալ առավել լուրջ  հիվանդության համար: Միայն ԱՄՆ-ում 20  մլն մարդ երիկամի հիվանդություն ունի: Այս մասին գրում է Healthy food team-ը` ներկայացնելով երիկամի խանգարման առաջին աշխտանշանները:

1. Հոգնածություն և ուժի պակաս

2. Մեզի գույնի փոփոխություն կամ արյան առկայություն

3. Քնի խանգարումներ

4. Սրտխառնոց

5. Ստամոքսի խանգարում

6. Ախորժակի կորուստ և մետաղի համի զգացողություն բերանում

7. Այտուցված ոտքեր և ոտնանթաթեր

8. Ցավ մեջքի հատվածում` գոտկատեղի վերև

9. Շնչահեղձություն

Երիկամի կենսական գործառույթները`

Թունավոր նյութերի արտանետում: Երիկամները զտում են ավելորդ աղերը, թունավոր նյութերը, միզաթթուն, նյութափոխանակության արգասիքները:

Ջրի մակարդակի կարգավորում: Երիկամները պատասխանատու են մեզի քիմիական բաղադրության համար և արձագանքում են օրգանիզմում ջրի մակարդակի խանգարմանը: Երբ ջրի ընդունվող քանակը նվազում է, երիկամը եղած ջուրը պահում է օրգանիզմում:

Արյան ճնշման կարգավորում: Երիկամները մշտապես ճնշման կարիք ունեն արյունը զտելու համար, այսպիսով, երբ ճնշումը շատ է նվազում, երիկամն ավելի շատ ճնշում է ստեղծում:

Թթվայնության կարգավորում: Երբ բջիջների նյութափոխանակություն է տեղի ունենում, դրանք թթուներ են արտադրում: Երիկամները պահում են այդ քիմիական նյութերի առողջ հավասարակշռությունը: