Ճապոնիայում հաջորդ տարվանից ռոբոտ տաքսիներ կգործարկվեն (տեսանյութ)

Տոկիոյում գործող Robot Taxi Inc. ընկերությունը մտադիր է մյուս տարի Ճապոնիայի փողոցներում գործարկել ինքնակառավարվող ռոբոտ-տաքսիները:

Ինչպես հայտնում է Oddity Central-ը` արդեն առաջարկել են բնակիչներին փորձարկել նորարար տաքսի ծառայությունը Կանագավա նահանգում: Փորձարկմանը 50 մարդ է մասնակցել:

Ընկերության ներկայացմամբ` նորագույն տաքսիները բնակիչներին կարող են հասցնել նախապես որոշված վայր, օրինակ` մինչև  3 կմ հեռավորությամբ գտնվող սուպերմարկետը:  Ընկերության աշխատակիցը անվտանգության նկատառումներից ելնելով նույնպես մեքենայում կլինի:

Ինքնակառավարվող մեքենաները կհամալրվեն GPS համակարգով, ստերեո տեսախցիկներով և պատկերը վերլուծող տեխնոլոգիաներով: