Քիմիայի ոլորտում Նոբելյան մրցանակը շնորհել են ԴՆԹ հետազոտության համար

2015 թվականին քիմիայի ոլորտում Նոբելյան մրցանակի են արժանացել գիտնականներ Թոմաս Լինդելը՝ Շվեդիայից, Փոլ Մոնդրիխը՝ ԱՄՆ-ից, և թուրքական ծագմամբ ամերիկացի Ազիզ Սանքարը՝ վնասված ԴՆԹ-ի վերականգնման գործընթացների հետազոտության համար։ Այդ մասին ասված է Նոբելյան հանձնաժողովի կայքում տեղադրված հաղորդագրության մեջ, գրում է korrespondent.net-ը։

Վերականգնումը՝ ռեպարացիան, բջիջների հատուկ գործառույթ է, որն ունակ է ուղղել քիմիական վնասվածքները և ֆիզիկական կամ քիմիական ազդեցությունների հետևանքով վնասված ԴՆԹ-ի մոլեկուլներում վնասվածքները։

Անցած տարի քիմիայի ոլորտում Նոբելյան մրցանակը հանձնվել է Էրիկ Բետցիգին, Շտեֆան Հելին և Էրիկ Մերներին՝ գերֆլուորեսցենտիկ մանրադիտակի մշակման համար: Այս մեթոդով կարելի է ուսումնասիրել կենսաբանական մոլեկուլների կառուցվածքը, ինչը կարևոր է նոր դեղամիջոցների ստեղծման առումով։

Երկուշաբթի օրը հայտնի են դարձել բժշկության և ֆիզիոլոգիայի ոլորտում Նոբելյան մրցանակակիրները: Մրցանակի են արժանացել իռլանդացի Ուիլյամ Քեմփբելը և ճապոնացի Սատոսի Օմուրան՝ մակաբույծների դեմ պայքարի ոլորտում հայտնագործությունների համար, ինչպես նաև չինացի Յույու Տուն՝ մալարիայի դեմ պայքարի ոլորտում բացահայտումների համար։

2015 թվականին ֆիզիկայի ոլորտում Նոբելյան մրցանակակիր են դարձել ճապոնացի Տակաակի Կաձիտան և կանադացի Արթուր Մքդոնալդը։