Գիտնականները բացատրել են ընձուղտների մոտ երկար պարանոցի առկայությունը

Ուսումնասիրելով ընձուղտների անհետացած նախնիների ողնաշարները` ամերիկացի գիտնականները եկել են եզրահանգման, որ այս կենդանիների երկար պարանոցը  ձևավորվել է էվոլյուցիայի երկու փուլով:

Ինչպես ներկայացնում է Lenta.ru-ն` մեջբերելով Royal Society Open Science ամսագրում հրապարակված հոդվածը, կենդանու մոտ ողերից մեկը ձգվել է գլխի ուղղությամբ, իսկ մի քանի մլն տարի անց արդեն այլ տեսակի մոտ այդ ողը երկարել է նաև պոչի ուղղությամբ: 

Կենդանաբաններն ուսումնասիրել են ընձուղտների ընտանիքի 9 հնագույն  և 2 ժամանակակից տեսակի  71  ոսկոր: Հնագույն կենդանատեսակների հայտնաբերված մնացորդները պահվում են Եվրոպայի և Աֆրիկայի թանգարաններում: Պարզվել է, որ պարանոցի երկարացումը այս տեսակների մոտ ձևավորվել է դեռևս 16 մլն տարի առաջ:

Ընդուղտները հայտնի են որպես ամենաբարձր ցամաքային կենդանիներ ողջ աշխարհում: