Եղանակն՝ այսօր
Այս տարի «ԱրմԹեք» բարձր տեխնոլոգիաների համաժողովը հատուկ նստաշրջան կանցկացնի Արցախում
Այս տարվա հայաստանյան «ԱրմԹեք» բարձր տեխնոլոգիաների համաժողովը տարբերվում է մնացածներից նրանով, որ երկու հիմնական նորարարություն է մտցվել.«ԱրմԹեքը» կունենա հատուկ նստաշրջան Արցախում` նվիրված հատուկ տեխնոլոգիաների զարգացմանը Արցախում և երկու զուգահեռ միջոցառում` նվիրված նորաստեղծ կազմակերպություններին և մաքուր տեխնոլոգիաներին: Իրենց ծրագրերը կներկայացնեն Վենչուրային ֆորումին 25 նորաստեղծ կազմակերպություններ:
Այս մասին «ԱրմԹեք» բարձր տեխնոլոգիաների 8-րդ գործարար համաժողովին հայտարարեց Ձեռնարկությունների ինկուբատոր հիմնադրամի նախագահ Բագրատ Ենգիբարյանը:
«Այս տարվա «ԱրմԹեքը բացառիկ է նաև ներկայացումների տեսանկյունից, ունենք նաև բացառիկ հյուրեր միջազգային ու վերազգային կազմակերպություններից ու Սփյուռքից»,-ներկայացրեց Բագրատ Ենգիբարյանը:
Հիշեցնենք, որ մեկ տարի «Արմթեքն» անցկացվում է Հայաստանում, մեկ տարի` ԱՄՆ-ում:
Այսօր երեկոյան ՀՀ վարչապետի անունից տրվող ճաշից հետո գործարար համաժողովի հյուրերը հնարավորության կունենան շփումներ ունենալ ոչ ֆորմալ միջավայրում:
Studio One