Գիտնականները Մարսի վրա «Բուդդայի արձանին» նմանվող օբյեկտ են նկատել

Մարսում հայտնաբերված հանելուկային օբյեկտների շարքը համալրել է «Բուդդայի արձանը», որը ուֆոլոգները նկատել են Curiosity մարսագնացից ստացված լուսանկարներում:   Корреспондент-ի հաղորդմամբ` բուդդայի քանդակը պատկերող լուսանկարը հրապարակվել է Ufo Sightings Daily-ի կայքում:


Մարսիական Բուդդայի լուսանկարը, տարածվելով տարբեր լրատվական աղբյուրներում, քննարկման առարկա է դարձել Կարմիր մոլորակում կյանքի գոյության կողմնակիցների շրջանում:
 

Ինչպես ընդգծել է ամերիկացի  ուֆոլոգ (ՉԹՕ-ներ ուսումնասիրող գիտնական)  Սքոթ Ուորինգը` արձանը նկատվել  է Մարսի լեռնային մակերևույթին` Գեյլի խառնարանի մոտ:

ՆԱՍԱ-ի մարսագնացից ստացված լուսանկարը մշակվել է հատուկ ֆիլտրներով, որից հետո արձանի մարդանման արտաքինը ավելի պարզորոշ է երևում: