MacBook-ի էկրանների խնդիր է ի հայտ եկել. Apple-ն արձագանքել է

Apple-ի MacRumors բլոգը տեղեկացնում է, որ ընկերության հազարավոր հաճախորդներ դժգոհել են MacBook և MacBook Pro նոութբուքերի էկրանների խնդրից, և ամերիկյան ըներությունն արդեն սկսել է անվճար փոխել դրանք։ 

Ինչպես հայտնում է Business Insider-ը` խնդիրը կապված է էկրանների հակառեֆլեկտիկ ծածկույթի  հետ, որը որոշ նոութբուքերում վնասվել է, ինչի արդյունքում էկրանին տգեղ բծեր և այլ հետքեր են հայտնվել:

Դժվար է հստակեցնել, թե որքան գնորդ է բախվել այս խնդրին, սակայն նրանց թիվը հազարների է հասել. մոտ 4700 մարդ ստորագրել են  Apple-ին ուղղված խնդրագիրը` պահանջելով անվճար վերանորոգել  էկրանները: