Samsung-ը հեղափոխական ճկվող մարտկոցներ է ներկայացրել

Հարավկորեական Samsung ընկերության մասնագետները մարտկոցներ են ստեղծել, որը կարելի է ճկել ցանկացած ուղղությամբ:  Корреспондент-ի հաղորդմամբ` այդ մասին տեղեկությունը հրապարակվել է Sammobile պաշտոնական կայքում:

Նոր տեխնոլոգիայի հիմքում սովորականի փոխարեն ժապավենատիպ մետաղալարեր են տեղադրված: Ծրագրավորողների խոսքով` նոր մարտկոցները կկարողանան 1.5 անգամ  երկարաձգել կրովի գաջեթների աշխատանքային ժամանակը:

Նոր  մարտկոցներն արդեն անցել են առաջին փորձարկումները:

Բացի մարտկոցներից,  Samsung-ը ցուցադրել է նման գոտի-մարտկոցներով  ժամացույցների առաջին նախատիպերը:

Փորձագետների կարծիքով` դա զգալի իրադարձություն կդառնա էներգասպառման ոլորտում:
Ծրագրավորողները մտադիր են ապագայում նույնպիսի ճկունություն ունեցող էկրաններ և միկրոչիպեր ստեղծել: