Նշվել է Լուսնի վրա ռուս տիեզերագնացների վայրէջքի ժամկետը

Ռուս տիեզերագնացները Լուսին կմեկնեն և վայրէջք կկատարեն դրա վրա 2029 թվականին։

Այդ մասին տիեզերական տեխնոլոգիաներին նվիրված համաժողովի ժամանակ պատմել է «Էներգիա» հրթիռա-տիեզերական կորպորացիայի ղեկավար Վլադիմիր Սոլնցևը, գրում է РИА Новости-ն։

«2029 թվականին թռիչք կիրականացվի դեպի Լուսին»,- ասել է ձեռնարկության ղեկավարը։

Նա հավելել է, որ 2021 թվականին նախատեսվում է նոր լուսնային նավով թռիչքների մեկնարկը։ 2025 թվականին նախատեսված է ավտոմատ անօդաչու թռիչք դեպի Լուսին և համապատասխան տեխնոլոգիաների մշակումը։

Նախկինում հաղորդվում էր, որ Լուսնի վրա տիեզերագնացների վայրէջքը հնարավոր է ոչ ավելի վաղ, քան 2033-2034 թվականներին, իսկ համապատասխան համալիրի փորձարկումը նախատեսվում էր սկսել 2029-2030 թվականներին։