ՆԱՍԱ-ն հրապարակել է 15 շարժանկար, որոնք ներկայացնում են ՄՏԿ-ի կյանքի կարևոր պահերը

Արդեն 15 տարի է՝ 2000 թվականի նոյեմբերի 2-ից, Միջազգային տիեզերակայանում աշխատում են մասնագետներ աշխարհի տարբեր երկրներից: Այդ մասին Twitter-ում հայտնել են ամերիկյան ՆԱՍԱ գործակալությունը և ռուսական «Ռոսկոսմոս»-ը:

Այս ժամանակահատվածում տիեզերքում հասցրել է լինել 220 մարդ՝ աշխարհի 17 պետություններից: Հոբելյանի առթիվ ՆԱՍԱ-ն Tumblr-ում տեղադրել է 15 շարժանկար, որոնք ներկայացնում են ՄՏԿ-ի կյանքի կարևոր պահերը, փոխանցում է Газета-ն:

Բացի այդ, ՆԱՍԱ-ն համեմատել է երկու ժամանակաշրջաններ: Օրինակ՝ 15 տարի առաջ դեռ նոր էին նորաձև դառնում բջջային հեռախոսները, իսկ ընկերների հետ կարելի էր կապ հաստատել համակարգչով, այժմ տիեզերագնացները շփվում են ընտանիքների հետ տեսակապի միջոցով և օգտագործում են սոցկայքեր։