Երկրի վրա մագնիսական փոթորիկ է սկսվել. այսօր ակնկալվում են չափավոր արևային բռնկումներ

Երկրի վրա նոյեմբերի 3-ին մագնիսական փոթորիկ է սկսվել հոկտեմբերի 29-ին Արևի վրա տեղի ունեցած բռնկումների արդյունքում:

Ինչպես գրում է РИА Новости-ն` մեջբերելով Երկրաֆիզիկական ծառայության տվյալները, առավոտյան 11:30-ին մոտ Երկրին է մոտեցել Արևի վրա արևային պսակից արտանետված զանգվածը: Արևային հոսքի արագությունը  հասել է 600 կմ/վայրկյանի: Մագնիսկան փոթորիկ է գրանցվել։

Տիեզերական եղանակի կանխատեսման համաձայն` նոյեմբերի 4-ին արևային բռնկումները չափավոր մակարդակի  կլինեն:

Արևային բռնկումը  լուսային, ջերմային և կինետիկ էներգիայի արտազատման գործընթաց է, որն ընդգրկում է մթնոլորտի բոլոր շերտերը: