ՆԱՍԱ-ն տիեզերագնացների բաց մրցույթ է հայտարարել

ԱՄՆ ազգային օդատիեզերական գործակալությունը՝ ՆԱՍԱ-ն, հերթական անգամ տիեզերագնացների բաց մրցույթ է հայտարարել։

Մրցույթը կսկսվի 2015 թվականի դեկտեմբերի 14-ին և կավարտվի 2016 թվականի փետրվարին, հաղորդում է korrespondent.net-ը։

Ընտրության պայմանների համաձայն՝ տիեզերագնացները պետք է անպայման լինեն ԱՄՆ քաղաքացիներ՝ տեխնիկական կամ կենսաբանական մասնագիտությամբ բակալավրի դիպլոմով։

Անհրաժեշտ է առնվազն երեք տարվա ինքնաթիռ վարելու փորձ։

Բացի այդ, տիեզերագնացի թեկնածուն պետք է ունենա 1,0 սրությամբ տեսողություն և 140/80-ից ոչ բարձր արյան ճնշում: Հասակը պետք է լինի 157,5-ից մինչև 190,5 սանտիմետր։