Ֆոտոլրտեսները գաղտնազերծել են նոր Bentley Continental-ը, որը ներկայանում է Porsche Panamera-ի թափքով

Բրիտանական Autocar  պարբերականը հրապարակել  է երրորդ սերնդի Bentley Continental GT  մոդելի լրտեսական լուսանկարները, որը ներկայացվելու է 2017-ին:

Ինչպես նշվում է` լուսանկարիչներին  սկզբում թվացել է, որ նորույթը Porsche Panamera մոդելն է, որի դեբյուտը կկայանա 2016-ի գարնանը:

Նման խառնաշփոթի պատճառ է դարձել MSB երկարացված պլատֆորմը, որի հիման վրա կառուցվելու են երկու մոդելի նոր սերունդները` Posche Panamera-ն և Bentley Continental GT-ն:
Bentley-ի տարբերակում նոր պլատֆորմը թույլ կտա զգալիորեն թեթևացնել մեքենան:

Համեմատության համար նշենք, որ ներկայիս Continental-ը 2.3 տոննա է կշռում:

Bentley-ի նորագույն կուպեն համալրված կլինի 608 ձիաուժ հզորությամբ Bentayaga շարժիչը` հիբրիդային ագրեգատի համադրության հնարավորությամբ: