Կակաոն պաշտպանում է սիրտը հիվանդությունների առաջացումից

Կակաոյի բաղադրության մեջ առկա ֆլավանոլները, վերջերս կատարված մի շարք հետազոտությունների արդյունքների համաձայն, նվազեցնում են  արյունաշրջանառության ժամանակ առաջացող լարվածությունը` նվազեցնելով նաև սիրտ-անոթային համակարգի հիվանդությունների առաջացման վտանգը:

Ինչպես գրում է Healthy food star-ը` վերջին հետազոտությունների հիմքում ընկած է եղել կակաոյի ֆլավանոլների ազդեցությունը սիրտանոթային համակարգի և ծխախոտի ներազդեցության հետևանքների վերացման վրա:

Ուսումնասիրությանը մասնակցել են մինչև 35 տարեկան 22 և  50-80 տարեկան 20 անձ, ովքեր 2 շաբաթը օրական 2 անգամ կակաո են ըմպել` մի մասը ֆլավանոլներով, մյուսը` առանց:

Արդյունքում պարզվել է, որ  ֆլավանոլով ըմպելիքն օգտագործողների մոտ 32-33 տոկոսով ավելի հանգիստ են եղել զարկերակներն ու սրտխփոցը: