Alfa Romeo-ն Լոս Անջելեսում ներկայացրել է իր ամենահզոր սեդանը

01:25 • 19.11.15

Alfa Romeo մեքենաշինական ընկերությունը Լոս Անջելեսի միջազգային ավտոսրահի շրջանակներում ներկայացրել է Giulia սեդանի Quadrifoglio Verde նորացված տարբերակը:

Ինչպես գրում է Корреспондент-ը` Quadrifoglio Verde մոդելը կդառնա ամենահզոր սեդանը իտալական ավտոարտադրողի բոլոր սեդանների շարքում: Մեքենան կզինվի 3 լիտր ծավալային տուրբո շարժիչով, որը 510 ձիաուժ հզորություն է զարգացնում:

Նորույթը կարող է նաև այլ շարժիչներով համալրվել` ինչպես բենզինային, այնպես էլ դիզելային: Մեքենան գործարանային արտադրվում է ետնաքարշակ համակարգով: Լիաքարշակ համակարգը հասանելի է հաճախորդի պատվերով: