Google Glass-ը «միակնոցի» տեսք կստանա

Արտոնագրերի և ապրանքային նշանների ամերիկյան գերատեսչությունը գրանցել է Google ընկերության նոր հայտը:

Ինչպես հայտնում է Techcrunch-ը` Google-ի «խելացի» ակնոցը ապագայում միակնոցի (մոնոկլ) տեսք կստանա: Google Glass-ի բռնակ-գոտին կարգավորելի է դառնում, որը օգտատերը կարող է հարմարեցնել իր գլխին:

Բռնակի ձևը փոփոխվում է երեք մասում`  քունքի մոտ, ականջի վրա և ծոծրակին:

Այս տարվա սկզբին Google ընկերությունից հայտել էին, որ դադարեցնում են Google Glass-ի վաճառքը, քանի որ սարքավորման կառուցվածքը վերանայման կարիք ուներ: