Իտալական ծերանոցում տարեցներին խնամում է ռոբոտը (լուսանկարներ)

Իտալական Ֆլորենցիա քաղաքի ծերանոցներից մեկը` «Սան Լորենցոն», որոշել է օգտվել  տեխնոլոգիական առաջընթացի «բարիքներից» ու աշխատանքի վերցնել մարդանման ռոբոտի։

Ինչպես նշում է The Guardian-ը, Էռա անունով ռոբոտը, որն իտալացի ինժեներների ստեղծածն է, օգնում է խնամել ծերանոցի 20 բնակիչներին:

Բրիտանական պարբերականը մանրամասնում է, որ սա յուրօրինակ փորձարկում է, որի շրջանակում գիտնականները փորձելու են պարզել, թե ինչպես են ապագայում նմանատիպ ռոբոտները կարողանալու ներգրավվել մարդկանց առօրյայի տարբեր շերտերում:

Էռա ռոբոտը բավական բարեհամբույր է և օգնում է տարեցներին մահճակալից վեր կենալ, հասնել ճաշասենյակ կամ անհրաժեշտ մեկ այլ վայր: Ռոբոտը կառավարվում է պլանշետի մեջ ներդրված հատուկ ծրագրակազմի միջոցով: