Թուրքական բանկերը հաքերային հարձակման են ենթարկվել

Թուրքիայում բանկերը հաքերային հարձակումների են ենթարկվել։ Խափանվել է ներքին կապի համակարգերի, վճարային տերմինալների աշխատանքը։

Ինչպես տեղեկացնում է Haber3 կայքը, խափանումներով են գործում նաև կառավարության որոշ կայքեր:

Հարձակման փաստը հաստատել է նաև առևտրի և մաքսային նախարար Բյուլենթ Թյուֆենքչին։

Հաղորդվում է, որ հաքերները հարձակում են իրականացրել նաև Թուրքիայի հիմնական պրովայդերներից Turk telekom-ի վրա:

Ավելի վաղ միջազգային ցանցահենների Anonymous խումբը սպառնացել էր պատժել Թուրքիային՝ իսլամիստ զինյալներից նավթ գնելու և նրանց աջակցելու համար: