Jaguar-ը թողարկել է F-Type մոդելի հատուկ տարբերակը` նվիրված Բրիտանիային

Jaguar F-Type  մոդելի հատուկ տարբերակն ստացել է British Design Edition անվանումը: Սովորական  F-Type-ից այն կտարբերվի  բացառիկ դիզայնով և մեծ թվով հավելյալ գործառույթներով:

Ինչպես ներկայացնում է  Rbc.ru-ն` հատուկ տարբերակը վաճառքի կհանվի այս տարվա գարնանը: F-Type British Design Edition կուպեն  ստեղծվել է F-Type S մոդելի հիման վրա: Մեքենան հասանելի է մի քանի գույներով` Ultimate Black սև, Caldera Red կարմիր, Glacier White սպիտակ  և Ultra Blue կապույտ: Առաջին երեք գույները խորհրդանշում են բրիտանական դրոշի գույները, իսկ չորրորդը նորություն է  ընկերության համար:  

Բազային համակարգերից է Sport Design գործառույթների փաթեթը: Ռադիատորի վանդակաճաղերին և բեռնախցիկի դռան վրա պատկերված է բրիտանական դրոշի միագույն պատկերը:  

Մեքենայի ինտերիերն առանձնանում է առավել շքեղ հարդարմամբ, մասնավորապես  նստելատեղերը պատված են Jet առաջնակարգ կաշվով:

Մեքենան շուկայում կհայտնվի մի շարք շարժիչային տարբերակներով, այդ թվում` 3 լիտր ծավալային V6 բենզինային շարժիչով, որը կարող  է 380 ձիաուժ հզորություն զարգացնել: Տվյալ շարժիչն աշխատում է Quickshift 8 աստիճան փոխանցման տուփով: 100 կմ/ժամ արագությունը մեքենան զարգացնում է 5.1 վայրկյանում, առավելագույն արագությունն է 275 կմ/ժամ: