Պուտինը հայտարարել է, թե Ռուսաստանը ստեղծել էբոլայի դեմ ամենաարդյունավետ դեղը

Ռուսաստանը գրանցել է Էբոլայի տենդի դեմ դեղամիջոց, հայտնում է ՏԱՍՍ-ը:

Համապատասխան հայտարարությամբ է հանդես եկել այդ երկրի նախագահ Վլադիմիր Պուտինը:

Կառավարության անդամների հետ հանդիպմանը նա նշել է, թե «լավ լուր» ունի: Իսկ դեղամիջոցը նա անվանել է ամենաարդյունավետը Էբոլայի դեմ՝ մինչ այժմ ամբողջ աշխարհում կիրառվողների համեմատությամբ:

Անցած տարի Էբոլան պատուհասել էր մի քանի աֆրիկյան երկրներ՝ խլելով հազարավոր մարդկանց կյանքեր: