Wikipedia-ն 15 տարեկան է. անհայտ փաստեր հայտնի ռեսուրսի մասին

Հունվարի 15-ին լրանում է Wikipedia էլեկտրոնային հանրագիտարանի ստեղծման 15 տարին:

Այս առիթով BBC-ն ի մի է բերել հեղինակավոր տեղեկատվական ռեսուրսի մասին անհայտ փաստերը:

Ըստ այդմ՝ ռեսուրսը ստեղծել են փիլիսոփա Լարի Սենգլերը և ֆինանսիս Ջիմի Ուելսն ԱՄՆ-ից:

Այժմ Wikipedia-ի կայքում ավելի քան 38 մլն հոդված կա, որը ստեղծել են ավելի քան 4 մլն օգտատերեր, իսկ դրանք խմբագրվել են ավելի քան  2 մլրդ անգամ:

Wikipedia-ի տասը ամենաշատ օգտագործված լեզուներն են անգլերենը, շվեդերենը, գերմաներենը, հոլանդերենը, սեբուանոն, ֆրանսերենը, ռուսերենը, վարայերենը, իտալերենն ու իսպաներենը:

Այստեղ կիրառվում են նաև արհեստական լեզուներ՝ էսպերանտո, վոլապյուկ, իդո, ինտերլինգվա:

Wikipedia-ի հիմնադիր Ջիմի Ուելսն ինքն է խմբագրել ռադիոհաղորդավարուհի  և իր ընկերուհի Ռեյչել Մերսդենի մասին հոդվածը, որպեսզի այդ կերպ հայտնի իրենց բաժանման մասին:

Իր 15-ամյակի առիթով հանրագիտարանը գործարկել է  Wikipedia 15 նախագիծը, որի միջոցով օգտատերերը կարող են հայտնել, թե ինչ է նշանակում Wikipedia-ն իրենց համար: