Հոլանդացիները հատուկ անջրանցիկ թիկնոց են ստեղծել հեծանվորդների համար

Հեծանվորդների զբոսանքն ու հեծանվարշավն  ամենից շատ անհարմար է  դարձնում  անձրևային եղանակը:

Այս խնդրին լուծում տալու համար հեծանիվների դիզայնով զբաղվող հոլանդական Vanmoof  ընկերությունը հատուկ թիկնոց է ստեղծել:

Ինչպես գրում  է Tech Insider-ը` թիկնոցն ստացել է Boncho անվանումը: Այն ներկայացվել է Kickstarter դրամահավաք կայքում և մեկ շաբաթում հավաքել է արտադրության համար անհրաժեշտ գումարը:

Թիկնոցը բացվում և հավաքվում է վրանի պես: Այն պատրաստվել է պոլիեսթերային   նյութից` ներքին անջրանցիկ շերտով: Այն  բավականին թեթև և գերշնչող է, ինչը թույլ չի տալիս, որ այն կրողը քրտնի: