Ինչ կտեսնեն Մարսի վրա վայրէջք կատարած առաջին ճամփորդները (լուսանկար)

Tech Insider-ը ներկայացրել է Curiosity մարսագնացից ստացված լուսանկարները, որոնք պատկերում են մոլորակի այն մասը, ուր կարող են ոտք դնել առաջին ճանապարհորդները` դուրս գալով տիեզերանավից:

Մարսագնացից ստացված լուսանկարներում պատկերված է Կարմիր մոլորակի Գեյլի խառնարանում գտնվող Նամիբ  ավազաթումբը: Ըստ ՆԱՍԱ-ի`  դա կլինի առաջին տեսարանը, որը կտեսնեն Մարսում վայրէջք կատարած առաջին մարդիկ:

ՆԱՍԱ-ի գիտնականները գունային մշակման են ենթարկել ստացված պատկերները, որպեսզի տարբերակվեն  ժայռերն ու ավազը:

Նկարում երևացող աղավաղված սարքավորումը հենց մարսագնացն է, որի կողքին պատկերված է հենց Նամիբ ավազաթումբը` մուգ գույնով: Իսկ առջևում երևում է Sharp սարը:

Այս պանորամային պատկերները մարսագնացը ստացել է 2015-ի դեկտեմբերի 18-ին` Մարսում գտնվելու 1197-րդ օրը: