Եղանակն՝ այսօր
Լատինական Ամերիկայում նոր վիրուս է տարածվում. կանանց կոչ են անում չհղիանալ
Լատինական Ամերիկայի երկրների կառավարությունները խորհուրդ են տալիս կանանց առայժմ զերծ մնալ հղիանալուց: Պատճառը տարածաշրջանում տարածվող վարակիչ հիվանդությունն է, որի արդյունքում կարող են անոմալ փոքր գլխով երեխաներ ծնվել:
Ինչպես փոխանցում է BBC-ն` լատինամերիկյան երկրներում կանանց հորդորում են չհղիանալ այս և հաջորդ տարի: Այս առաջարկով հանդես է եկել Սալվադորի առողջապահության փոխնախարար Էդուարդո Էսպինոզան:
Ինչքանով հայտնի է` հիվանդության առաջացման պատճառը Զիկա կոչվող վիրուսն է, որով կանայք վարակվում են մոծակի խայթոցի հետևանքով: Որոշ դեպքերում այդ վիրուսը վնասում է սաղմը մոր արգանդում:
Մասնագետներն արդեն խոսում են համաճարակի բռնկման մասին: Ինչպես նշում են բժիշկները` վիրուսի պատճառով կարող են մտավոր հետամնաց երեխաներ ծնվել:
Ճամայկայում ևս կանանց խորհուրդ են տալիս չհղիանալ առաջիկա կես տարվա ընթացքում: Խիստ միջոցառումներ են ձեռնարկվում Բրազիլիայում Կոլումբիայում և Հաիթիում:
Studio One