18 մլրդ 400 մլն դոլար. Apple-ը եռամսյակային շահույթի ռեկորդային ցուցանիշ է գրանցել

Ամերիկյան Apple տեխնոլոգիական ընկերությունը ներկայացրել է ֆինանսական տարվա առաջին եռամսյակի հաշվետվությունը, ըստ որի՝ ընկերությունն ունեցել է ռեկորդային շահույթ։

Ինչպես նշում է vz.ru-ն, փաստաթղթում ներկայացված տվյալների համաձայն՝ Apple-ն անցած եռամսյակում ունեցել է 18.4 մլրդ դոլարի շահույթ։

Հայտնի է, որ նույն ժամանակահատվածում ռեկորդային է եղել նաև ընկերության եկամուտը՝ 75.9 մլրդ դոլար: 

Ինչ վերաբերում է ֆինանսական տարվա առաջին եռամսյակում իրացված iPhone սմարթֆոնների քանակին, ապա համապատասխան ցուցանիշները չեն արդարացրել վերլուծաբանների սպասումները։ Աղբյուրը մանրամասնում է, որ այդ ժամանակահատվածում վաճառվել է 74.7 մլն օրինակ, մինչդեռ մասնագետները կանխատեսել էին 76.5 մլն օրինակի վաճառք։