Microsoft-ի փոխնախագահին «բռնացրել» են iPhone օգտագործելիս

Ամերիկյան Microsoft տեխնոլոգիական ընկերության փոխնախագահ Ջո Բելֆիորեն «բռնվել» է մրցակից ընկերության` Apple-ի արտադրանքն օգտագործելիս։

Ինչպես նշում է lenta.ru-ն, բացահայտումն արվել է թվիթերյան գրառման շնորհիվ։ Բելֆիորեի  հետևորդները նկատել են, որ թվիթն արվել է iPhone սմարթֆոնի միջոցով:

Փոխնախագահն այնուհետ մանրամասնել է, որ լուսանկարն արվել է Sony RX-100 տեսախցիկով ու ուղարկվել iPhone-ին։ Բացի այդ, Microsoft-ի փոխնախագահը հավելել է, որ ինքն անպայման պետք է տեղյակ լինի մրցակից ընկերությունների արտադրանքի առավելություններից ու թերություններից։