Հարվարդի գիտնակնները 4D տպագրության մեթոդ են մշակել (տեսանյութ)

Հարվարդի համալսարանի գիտնականները 4D տպագրության մեթոդ են մշակել, որտեղ 4-րդ հարթության դեր է կատարում ժամանակը:

Ինչպես հաղորդվում է Nature Materials-ում հրապարակված հոդվածում` օբյեկտների տեսքը կարելի է փոխել շատ հասարակ եղանակով:  Բավականին հեշտ կարելի է դրանք ընկղմել ջրի մեջ, որից հետո առարկան քառաչափ տեսք է ստանում:

Քառաչափ տպագրության համար գիտնականները  հատուկ թանաք և հիդրոգել են օգտագործել, որի բաղադրության մեջ բջջանյութ է մտնում:

Առարկայի տպագրությունից առաջ մանրաթելերի հատուկ մաթեմատիկական  մոդելավորում է անցկացվել, որի շնորհիվ հնարավոր է դարձել հստակ որոշել  առարկայի կառուցվածքը և թանաքի շերտավորման կարգը:

Այս տեխնիկայի շնորհիվ գիտնականներին հաջողվել է նախապես որոշեկ առարկայի տեսքը, որն այն կունենա ջրի մեջ ընկղմվելուց հետո: