Չինացիները էլեկտրական մեքենաներ կարտադրեն Դետրոյթում

Չինական BAIC  ընկերությունը ԱՄՆ-ում հետազոտությունների և զարգացման կենտրոն է բացել, որում ավտոարտադրողը կզբաղվի նոր էլեկտրամեքենաների արտադրությամբ:

Ինչպես հայտնում է Motor.ru-ն` չինական ընկերության ստորաբաժանումը տեղակայված է Դետրոյթում: Նոր կենտրոնը պետք է օգնի «գնահատելու էլեկտրամեքենաների պահանջարկը արտասահմանյան շուկաներում և հասանելիություն ստանալու նոր տեխնոլոգիաներին»:

Բացի այդ, BAIC ընկերությունը էլեկտրական մեքենաների գծով ևս երկու հետազոտական կենտրոն ունի, որոնք տեղակայված են Չինաստանից դուրս: