Գիտնականները «Երկրի խոշորագույն նմանակ» մոլորակ են հայտնաբերել

Աստղագետները Խոյ համաստեղությունում մոլորակ են հայտնաբերել, որի խտությունը 7.89 գրամ է 1 խորանարդ սմ-ի վրա, ինչը վկայում է, որ այն Երկրի հսկայական անալոգն է և ոչ թե Նեպտունի նմանակը: 

Այս մասին հայտնում է РИА Новости-ն` մեջբերելով Կոռնելի համալսարանի (ԱՄՆ) կայքում հրապարակված հոդվածը:  

Վերջին տարիներին Արեգակնային համակարգից դուրս Երկրի նմանությամբ տասնյակ մոլորակներ են հայտնաբերվել, որոնց տրամագիծը մի քանի անգամ գերազանցում է Երկրի տրամագծին: Զանազան ուսումնասիրությունների արդյունքում որոշվել է, որ այն մոլորակները, որոնց շառավիղը 1.6 անգամ գերազանում է  Երկրի տրամագծի կեսին, հանդիսանում են «մինի-Նեպտուններ» և ոչ թե «գեր-Երկրներ»:

BD+20594b  մոլորակի տրամագիծը կրկնակի մեծ է Երկրի տրամագծից, իսկ զանգվածը` 16 անգամ ավելի ծանր: