Google-ն իր ստվարաթղթե Cardboard-ը կփոխարինի նոր սարքով, որը կմրցակցի Samsung Gear VR-ի հետ

Google ընկերությունն աշխատում է վիրտուալ իրականության նոր սարքավորում ստեղծելու ուղղությամբ:

Ինչպես հաղորդում է Корреспондент-ը`  վիրտուալ իրականության նոր ակնոցը  կդառնա Oculus Rift-ի հավանական մրցակիցը, ինչպես նաև կմրցակցի Samsung Gear VR ակնոցի հետ:

Նորագույն սարքավորումը կլինի ստվարաթղթից պատրաստված Cardboard  կոնցեպտի տրամաբանական շարունակությունը, որը կհարմարեցվի աչքերին մոտ տարածության վրա սմարթֆոնի էկրանի տեղադրման համար:

Նորույթը կհամալրվի  կատարելագործված ոսպնյակով և կգործի Android-ով աշխատող սմարթֆոնների համար: Ենթադրվում է, որ նորույթը կներկայացվի մայիսին` Google I/O համաժողովում: