Bentley-ն պատրաստվում է էլեկտրական մեքենա արտադրել

Բրիտանական հեղինակավոր Bentley մեքենաշինական ընկերությունը պատրաստվում է մուտք գործել ներկայում այդքան «նորաձև» դարձած էլեկտրական փոխադրամիջոցների արտադրության ոլորտ:

Ինչպես հայտնում է The Business Insider-ը, այդ մասին ասել է ընկերության խորհրդի անդամներից մեկը` Ռոլֆ Ֆրեչը, ում խոսքով՝ Bentley մտադիր է մրցել ամերիկյան Tesla-ի հետ:

Նա մանրամասնել է, որ գերժամանակակից էկո- նորույթի ստեղծման համար Bentley-ն անհրաժեշտ ծրագրակազմը, մարտկոցներն ու էլեկտրական շարժիչները կվերցնի Porsche Mission E էլեկտրական մոդելից:

Հայտնի է, որ Bentley-ի նորույթը ստեղծվելու է Speed 6 կոնցեպտի հիման վրա։