Twitter-ը փոփոխությունների է ենթարկել նորությունների և թվիթների բաժինը

23:26 • 10.02.16

Twitter-ը երկու խոշոր փոփոխություն է սահմանում նորությունների և թվիթների բաժնում:

Ինչպես ներկայացնում է BBC-ն`նոր փոփոխության կիրառմամբ` նախ կցուցադրվեն առաջնահերթ թվիթները` ըստ օգտատիրոջ նախընտրության, որին կհաջորդեն մյուս բոլոր գրառումները` ըստ ժամանակային հերթականության:

Այսուհետ First View գործառույթի շնորհիվ մարքեթոլոգները կկարողանան տեսանյութ-գովազդներ տեղադրել թարմացվող նորությունների վերին հատվածում:

Այս փոփոխությունները հաջորդում են ընկերության ֆինանսական հաշվետվությանը, որը ներկայացվել էր օրեր առաջ:

Հիշեցնենք, որ Twitter-ի բաժնետոմսերը հունվարի 19-ի դրությամբ արժեզրկվել էին` ռեկորդային նվազագույն ցուցանիշ գրանցելով: