Բորբոսի պատճառով հետաձգվել է ՆԱՍԱ-ի բեռների փոխադրումը Միջազգային տիեզերակայան

Ամերիկյան տիեզերական գործակալությունը 2 շաբաթով հետաձգել է բեռների տեղափոխումը Միջազգային տիեզերակայան:

«Կոմերսանտ»-ը հայտնում է, որ հետաձգման պատճառը պարկերից մեկում սև բորբոսի հայտնաբերում է դարձել:

Ներկա դրությամբ ՆԱՍԱ-ն և բեռնափոխադրող Lockheed Martin ընկերությունը պարզում են միջադեպի պատճառները:

Միջազգային տիեզերակայան ուղարկվելիք բեռները կիսով չափ բեռնվել էին, իսկ արձակումը նախատեսված էր մարտի 10-ին: Այժմ բոլոր բեռները կբացվեն և կվարակազերծվեն: Երկրի ուղեծրում Միջազգային տիեզերակայանի ներկայությունը նախատեսված է առնվազն մինչև 2028-ը: