Jaguar-ը գաղտնազերծել է գերարագընթաց F-Type SVR-ը (լուսանկարներ, տեսանյութ)

Բրիտանական հեղինակավոր Jaguar մեքենաշինական ընկերությունն այս շաբաթ գաղտնազերծել է գերարագընթաց F-Type SVR մեքենան, որի պաշտոնական շնորհանդեսը կայանալու է մարտին Ժնևում մեկնարկելիք միջազգային ավտոսրահի շրջանակում։

Ինչպես նշում է The New York Daily News-ը, այն 100 կմ/ժ արագություն է զարգացնում ընդամենը 3.5 վայրկյանում, մինչդեռ մեքենայի զարգացրած առավելագույն արագությունը 321 կմ է։ Նորույթը համալրված է 5 լ աշխատանքային ծավալով, 575 ձիաուժ հզորությամբ V-8 շարժիչով։

Հայտնի է, որ մեքենան վաճառքի համար հասանելի կլինի արդեն այս ամառ` 150.000 դոլար գնով։