Բելգիացին ֆուտուրիստական լողացող քաղաք է նախագծել` 20 000 բնակչի համար (տեսանյութ)

Բելգիացի ճարտարապետ Վինսենթ Կալեբաութը ֆուտուրիստական ջրային տներից բաղկացած օվկիանոսային լողացող քաղաքի նախագիծ է ստեղծել, որոնց կառուցման համար որպես  շինարարական նյութ է ծառայելու աղբը:

Ինչպես ներկայացնում է Tech insider-ը` բելգիացու նախագծած կոնցեպտը կոչվում է Aequorea, որը բաղկացած է զանգվածային գմբեթավոր կառույցներից` պատրաստված խաղաղօվկիանոսյան աղբից և ջրիմուռներից:

Պատրաստի վիճակում Aequorea-ն  սենյակներ կունենա  20 000 բնակչի համար, ինչպես նաև լաբորատորիաներ, աշխատասենյակներ և արվեստանոցներ:  Օվկիանոսային քաղաքում կարող են մրգեր և բանջարեղեններ աճեցվել:

Օվկիանոսի հատակին տեղակայված ջրային տորբինների դաշտը էներգիա կարտադրի ջրային ալիքներից առաջացող հոսանքից: